منیم آغلار گؤزومه رحم ائله جانان ، گئتمه
دایانیب جان دوداغا ، جان سنه قوربان ، گئتمه
قوی منیم جانیمیله صبر و توانیم گئتسین
سن منه تاب و توان ، روح و روان"سان ، گئتمه
سن"ایله هر غمه ، هر درده تحمل ائدرم
آما سن"سیز یوخوموش دردیمه درمان ، گئتمه
نئیلیرم زهره"نی ، چرخ فلكی ، آی گونشی ؟
هامیسی گئتسه گئدیب ، سئوگیلی جانان گئتمه
تو به من خندیدی - حمید مصدق --ترجمه تركی
سن گولدون بیلمه دین نه هیجانلا
باخچادان بیر آلما اوغورلادیم من
باغبان قاچدی منیم آردیمجا آنجاق
آلمانی الینده گوررك بیردن
غضبله – غضبله بیر منه باخدی
دیشله دیگین آلما سنین الیندن
تورپاغا دوشه رك گئتدین ابدی
گئتدین كونلوم ائوین ویران ائتدین سن
ایندی ایللردیر كی آیافلارینین
گئدیش سسی منی اینجیدیر هر آن
دئیرم بس نئچون ائویمیزده من
بیر الما تاپمادیم سنه او زامان
چئویرن : علٰـ ـﮯ سئـوداٰلٰـ ـﮯ مـوغـاٰنـلٰـ ـﮯ
سارسینان اورگیم یئنه آیاق ایزینده
آستا آددیم آتاركن یاشماقین آچمیش
كولگیله زلفونون چاشرابین آتمیش
گوزونون دالغالاری حسرت یاناغین
باغرینا آلمیش
یئنه كئچمیشلری اوز فالینی آچمیش
اومیدین بوسقولوقیلا اینتظار یوللارا قالمیش
ایلغی جیلدینده اولان دیلك ایستئی آرتمیش
نه عینادی ، نه گوماندی ، نه گركدیر
اومیدین یوخلوغونا وارلیغین
آرخا دایانسین
كئچمیشین آجیسین یئنیدن یاشاداركن
سونوكن آلولار یانقیلا
پوسكولیقیلا یئنیدن آلیشسین
آرادا بیر زره سئوگیه قالان
اونمده یانسین اوسانسین
سوكوتلوقدا گولوشله یاتان خاطیرلر
ازیلن تاپتالانان آددیملا
اوزونه جانسیز اویانسین
اولانلار اوچون باخسین اوتانسین
او سیر داش اولان اسكی جیغیرلار
دیدیلن ، پارچالانان ایزینله
سهو دوشن عنوانلا
نیفرته یون آلسین
ایللری دویمه یه گوجوم چاتایدی
بیرجه سنی اوندان الماقدان اوتری
اولانلاری نه اونودوردی
نه سئوگیمیزی گوشدوردی
یالنیز باجاردی بیزه حسرت وئرمه یی
هر شئی داناركن اوزو سوچلو اولاركن
یئنه قارشیسیندا سوچلو من اولدوم
یئنه اودان او اودوزدوران من اولدوم
كئشگه بوغوب گونلری زامان تئلین یولایدیم
دایانایدی بو ساعات ، دایانایدی بو زامان
گئدیشیله گئجیكدیم ، دایاناركن توكندیم
نه اویردی یئریشی نه ال توتدی الیمله
گون گون اوسته گلركن دوندو یئنی ایل اولدی
ایل ایللره قوشدو ، بیزسه اوزاق دولاندیق
یاساقلاری دیدمه دیك ، سرحدلری آشمادیق
بس نئیه زامان سئویج پایین بیزه وئرمه دی !
ندن اینام سئوگیمیزه ده یر وئرمه دی
آی اوچایدی بو ایللرین تیكیلی دووارلاری
اوندا گونلری الیمله بوغا بیلردیم
ایللری دویمه یه گوجلو اولاردیم
توتوب یاخاسیندان سنی اوندان آلاردیم
گئنیش اللریمله نملی سئوینج گوزومله
قووشماقا تئلرینه ، سارینماقا اللرینه
قاچیب عومورلوك بوینونا ساریناردیم
سن ایسته مه سن منده گزن قان نه یه لازیم؟! عشقیندی وئــریر روحیمه قول جیسمیمه اینجار كؤنلوم باشینا مست دولانمازسا نـه ائـدسین؟! من شاعیــرم آنجاق اوره گیم اودلـو اوجـاقــدیر گـوندوز گونشین ساچلارین آیـدینجا هـؤره ركـن یالقیز دادانین دینی ده سن عشقی ده سن سن
سنسیز داها ای جان جهان ! جان نه یه لازیم؟!
یوخسا گؤزلیم! عشق سیز انسان نه یه لازیم؟!
گؤزلر سن اوچون اولماسا حیـران نه یه لازیم؟!
سن اولماسان آخ شعریـله دیوان نه یه لازیم؟!
بیــر بئیـله داهـا بحثیلـه بـرهان نه یه لازیم؟!
سنسیز بو جهان آی سنه قوربان نه یه لازیم؟!
اولدوزوم گویده اولدوزلار ایچینده دوزوم
آراسه چوخده فراقا یوخده دوزوم
اولكه لر ایچینده آذربایجان یورده گوزوم
اوت توتوب سنه جان قالیبده كوزوم
دونر غربتدن اوز قبله گاهه اوزوم
شور دریانه باشدان باشا گوروشه اوزوم
دادیم باغیندا شیرین گیله بهشتی اوزوم
ارومیه سنه قربانام تكجه من اوزوم
آب ایچیلمز
آب سووارماز
آریندیرماز باریندیرماز
آب سو دئییل
بولاغلاری بولاندیران
یاد تیكانین كوللاندیران
گولوموزو سولدوراندیر
باغیمیزی قوروداندیر
ترس آخیشی ائویمیزی یئخان سئل دیر
یئرسیز سسی كوفولدایان قارا یئل دیر
اوخوللاردا " نان " دئییلن
جننت موغان یازلیغیندان
بیشیریلن چورك دئییل
قارا داغین تاخیلیندان
بركتلی اكمك دئییل
دردیمیزی درینله دن
بیزلیگی بیزده اریدن
تولكو یادین یالادیغی یئییلمزدیر
او نان بیزه گوج وئرمزدیر
اوخوللاردا " خاك " دئییلن
دوغما آنا تورپاق دئییل
مین ایللرین قالادیغی
یانار قوتسال اوجاق دئییل
اؤزگه لیگین یاسدیغی دیر
یادین یادلیغین سسی دیر
كوله لیگین سیمگه سیدیر
بو اوخوللار بو یووالار
بیزدن دئییل
بیزیم دئییل
وراق وراق قوندارمادیر
یازی یازی اویدورمادیر
یالانلارلا دولدورمادیر
كوكوموزدن اوزاقلاشماق اوداغیدیر
یادلاشماغین دوزاغیدیر
تانیمیرسان منی سن ؟
گئت منی ، داغداكی داشدان خبر آل
منی آیری، سالیب آنلین یازیسی،
داغلاردان
من اوجا داغلارین اؤ
پارچالانان سیرداشییام
باخما ایندی جوان اوغلانلارا من ،
باش داشییام
ساوالانین داشییام؛
یادا گل
كیملیگیمی
گؤزده كی یاشدان خبر آل
من اؤ صحرالری آباد ائلییه ن گؤز یاشییام
من آراز قارداشییام
چیرپینیر ائل غمی هی، سینه م ایچره دالغالانیر
سیندیریر سدلری بیرده ن
كاغاذ اوسته جالانیر
بیت لر بیر بیرین اوسته قالانیر
من اؤ دیللرده قالان شهریارین، یولداشییام
" تایسیزام"
من بیر آز اوندان ناشییام .
بس دوزروك حاچاناجاك بیز بو فریاده
باشارساكده امر اده روك آتش نمروده
سالدی غوغاییه منی بو خار اولموشلار
باشارسامدا یئنه قلبیمی بولار خاموشلار
یخار بتون ادبیاتی تورك قاهرامانلاری
زلفقار كیمی ستارخانان اورگنك توركلری
ای سنكی منن همیشلیك ایدون عشقنی
یانماخ منیم ایشیمدی نیگرانیما ایلشمه گینن
ایناندر. ایناندر. ایناندر. كی من كیمم
بس كی ایناندران گورممیشم اوزومنن سنمشام
بلیرم كی دوزلوك منی خارائدی ای سئوگلیم
گل گینان بو دوزلوگی پسلیكنن یاندراك منده
منه بو سوزوله آتدین آرالاندین بیلیرم
آرانی بیر پارا نامردیله ساز ائلمیسنگل منیم ایستدیگیم كعبه یخیلماز اوجالار
باشدادا كج گئدسن دیبده تراز ائلمیسن
بو گوزللیخ كه جهاندا سنه وئرمیش تاریم
هر قدر ناز ائدسن ائله كه آز ائلمیسنآی دان اولدوز منه سن یاخچی تانیرسان كه سحر
افقه خلوت ائدیب راز و نیاز ائلمیسن
آخ گئجه لر یاتمامیشـــــــام من سنه لای ـ لای دئمیشم
سن یاتالی من گؤزومـــــه اولدوزلاری سای دئمیشـم
هركس سنه اولدوز دئیــــه اؤزوم سنه آی دئــــــمیشم
سندن سونرا حیـــــــاته من شیرین دیسه زای دئمیشـم
هر گؤزلدن بیر گول آلیـــب سن گؤزله پای دئمیشــــــم
سنین گون تك باتمـــاغینی آی باتانا تــای دئمــــــیشم
ایندی یایــا قــیش دئییـــرم سابیق قیشـا یای دئمــیشم
گاه تویونو یــاده ســـالیب من دلی نـای ـ نـای دئمیشم
سونـرا یئنه یاســـه باتیب آغلاری های ـ های دئمـیشم
اتك دولــو دریــا كیمــی گؤز یاشیما ، چای دئمـــیشم
عؤمره سورن من قارا گون آخ دئمیشم ، وای دئمیشم .