یریم زنــــدان،اؤزوم یورقون
ایسته‌دیم آدینی قلبیمدن سیلیم
روحوم فریاد چكدی، تیتره‌دی الیم
من سنی اونودا بیلمه‌دیم گولوم
سن منی قلبیندن سیل، سیله بیلسن
تنهالیق سیرداشیم اولدو بئله‌جه
گؤز یاشیم خاتیرلار سنی هر گئجه
آخار هزین-هزین، آخار سسسیزجه
سن منه اوخشاما، گول، گوله بیلسن
او گون كی، "الویدا" سؤیله‌دین، اؤلدوم
مندن آیریلدیغین همین گون اؤلدوم
من سنی سئومیشدیم سنینچون "اؤلدوم"
سن ده سئودیگینچون اؤل، اؤله بیلسن 
باخیب بو عذابلی عمور یولونا
آغلایاندا منم گؤلنده منم
وصالینا حسرت گؤز،یاشلاریمی
آخیداندا منم سیلن ده منم
عمرومو سنینله باغلییاندا من
سنین هر كلمه نی آنلییاندا من
سنی اوشاخ كیمی دانلییاندا من
دردیمی سنینله بولنده منم
سنسیز گؤر نقدیر یاشادیم هدر
قلبیمی آغریددی بو غم بو كدر
سنن بیرجه خبر آلانا قدر
دیریلن ده منم اولن ده منم
اولومه نه واركی ، بیر دفعه لیك دی،
سئویب آیری دوشمك كاش اولما یا یدی
نغمه لر قوش كیمی قانادلا نا ندا
گؤزلردن سوزولن یاش اولمایایدی.
منیم قلبیم كیمی اینله مز كامان،
ایلك عشقی ایتیرمك یاماندی ، یامان!...
كؤنوللر اودلارا قالا نان زامان،
اوره كلر بركییب داش اولمایایدی.
بیر قوجاق گول باغلادیم گؤز یولدا قالدی گلمه دینعطریوی گاه دردیگیم گوللردن آلدیم گلمه دینسن یوباندین انتظاردا سولدی بیر بیر گللریمتئز سولان گوللر كیمی سولدوم سارالدیم گلمه دینباغریما سالدیم سازی سنسیز دونن آخشام چاغیآغلاییب بیر آیریلیق آهنگی چالدیم گلمه دین..
هردن سوزه – سوزه سوزولوب آخار
هردن سلطان كیمی دانیب باخار
گاهدان اوره ییمی یاندیریب یاخار
یامان گیلئلی دیر مندن گؤزلرین
بعضاً آغلار ، بعضاً گولر اوزومه
دوداغیمدا فیكیر وئرمز سؤزومه
اوخ كیمی سانجیلار بیردن گؤزومه
یامان گیلئلی دیر مندن گؤزلرین
بیر آز اوتانجاق دیر بیر آز دا شیطان
دیلین بالدان شیرین دوداغین خندان
ییخیب بخت ائویمی ، ائدیبسن ویران
یامان گیلئلی دیر مندن گؤزلرین
یئنه گؤزلریوه دولدورما یاشی
قاپساما كیپریكین ، چاتدیرما قاشی
اینان كی گؤز یاشین اریدر داشی
یامان گیلئلی دیر مندن گؤزلرین
(بابك قوجازاده)
بو گون دن یاد اولدوق بیر بیریمیزه
اوز اوزه گلسك ده اوزونو دؤندر
بیر جه بیر ایسته ییم واریمدی سندن
یئللرله ساچیوین عطرینی گؤندر
كؤنلومو وئرمیشدیم سس سیز – سمیر سیز
سیندیردین ، سسیندن تیتره دی جهان
گئدیرسن دالینجا سورونممه رم
توكنیب طاقتیم ، سینیخیبدی جان
یئنه ده گون باتیر بیزیم یئرلرده
سیزین ائوینیزده چیراقلار یانیر
بو آخشام او ائوده بیر گؤزل گلین
عؤمورلوك سئودییین ، سئوگیسین دانیر ...
(بابك قوجازاده)
یوخ اولدون گؤزومدن ایتدین اوزاقدا
من سنی آختاردیم هر اؤتن ساعات
چیچكلر فصلینده ، قیش دا سازاق دا
سن گئتدین ائله بیل گولوشلریمده
دورنالار سایاغی كؤچدو بو یئردن
باخیردیم یوللارا سنی گؤرم من
آلیشدی اوره ییم تیتره دی بیردن
...
دوشوندوم بلكه ده قسمت بو ایمیش
بیزیم گؤروشوموز آللاها قالدی
بلكه ده سئوگیمیز بیر گوناهیمیش
اونون چون بیزلری بو حالا سالدی
هر زامان سس صدان قولاغیمدادیر
نه اولار بیر داها گل منی چاغیر
گوندوزلر گزیرم خیاوانلاری
گئجه لر غم كدر اوستومه یاغیر
(بابك قوجازاده)
سارای منیم من سارایین! هارای منیم من هارایین
دردیم دئشیك لاپ دئشیلیر یاددا اولسام بیر آرایین
من خسته یم سن نه سن بس! تئلریمی بیر دارایین!
اوره ك منده سینیق سینیق! كونولدنده سیز یارایین
من یارالی بو دونیادا!! یارامی دا سیز سارایین
قاراداغلی بسدیر داها سینیق اوره ك سنین پایین!
آهنگ جدید و فوق العاده زیبای Reza Azizan به نام Dashli Ghala
http://turku-music.arzublog.com/uploads/turku-music/Reza_Azizan_-_Dashli_Ghala.mp3