هچ زامان گلمه دیم سوگییه قاباق  
دالینجا سوروندیم ایزلرین سایاق
 گتدین الیمه اولمادین دایاق
 سورونه سورونه گلیرم منده

Benim küçük sevgilim
Sen bana neler yaptın
Böldün parça parça
Onlar bilmez onlar bilmez
Bakarlar yüzüme
Sanki yoksun gibi

یار كولگه سین

یار كئولگه سین گورنده

چیلغین-چیلغین تیتیره میش اورگیم

قویمور سوزلریم دوداخلانا

و دیه ...

سئللش میش دامجی گوز یاشلاریم

كیرپییمه آسلانمیش دویغونو بوغور

و قویمور دیه ...

و دیلگیم اوزانیب ایللش میش لحظه لره گیلئی لنیر.

كیم بیلیر

بلكه بیر آز ایره لی ده

قلمیم بوغولموش دویغونون دوداخلانمامیش سوزلرینی

یازا و دیه

یار سیز یاشاییش هئچه ده باهادیر.

بهانه سیز گئت،

اویاتما مورگولو خاطیره لری.

سسین همن سسدیر ،

باخیشین اؤگئی،

گئدیرسن،

سسین ده یاد اولسون باری...

سن دنیز قوینونا تولانمیش چیچك،

اوستونه دالغالار آتیلاجاقدیر.

ساختا محبتین ساختا سند تك

نه واختسا اوستونده توتولاجاقدیر.

دوشه نیب یوللارتك آیاقلارینا

سنه یالواریم می...

بو مومكون دئییل!

قویمارام قلبیم تك ووقاریم سینا

آلچالیب یاشاماق عومور-گون دئییل.

دئمیرم سن اوجا بیرداغسان،اییل،

دئمیرم فالیبدیرعلاجیم سنه.

نه سنده محبت قارا پول دئییل،

نه من دیلنچییم ال آچیم سنه...

گئتمك ایسته ییرسن...

او یول اودا سن...

بیر جوت گؤز باخاجاق آرخانجا سنین.

گئتدین می...

نه واختسا دؤنمك ایسته سن

تیكانلی یاستیغا دؤنه جگ یئرین.

گئتمك ایسته ییرسن...

نه دانیش ،نه دین!

یوخ اول اوزاقلارتك دوماندا، چنده...

نه ییمی سئومیشدین؟

دئییه بیلمه دین،

ایندی یوز عیب گؤرورسن منده.

گئتمك ایسته ییرسن،

بهانه سیز گئت،

اویاتما مورگولو خاطیره لری.

سسین همن سسدیر ،

باخیشین اؤگئی،

گئدیرسن،

سسین ده یاد اولسون باری...

بو گئجه یاتماغا تله سیرم من

سئوگیلیم یوخوما قوناق گلجك !

اوتوروب اؤنومده او ظالیم قیزی

گؤزل بیر سحردن ناغیل دئیه جك

بو گئجه منیم یوخولاریمدا

داغلارین باشیندا تونقال یاناجاق

بو گئجه كندیمیزین بور ـ بوجاغیندا

بوتون سئوگی لیلر قوناق اولاجاق

 بو گئجه یاتماغا تله سیرم من

یوخومو سنین چون ناخیشلامیشام

ایسته رسه سحر اولسون ، دورمایاجاغام !

بو گئجه یوخومو سنه وئرمیشم

چوخداندیر سنینله گؤروشمه میشم

بو گئجه یوخومدا گؤروشومه گل

بو اورك ائویم قوی سنین اولسون

اوتوروب ایچینده بیر آزچا دینجل

بو گئجه سنین دیر ، بو یوخوم سنین

بو گئجه عؤمرومون ان خوش چاغی دیر

بو گئجه سن ایله اولدوغوم یوخو

بوتون یوخولاریمین پادشاهی دیر ...

هئچ كس یولداشسیز اولماز

هئچ گوز كی قاشسیز اولماز

یارا چاتان یوللارین

هئچ بیری داشسیز اولماز

لای لای دئدیم گونده من         كؤلگه ده سن، گونده من

ایلده قوربان بیر اولسا             سـنه قـوربان گونده من

***

لای لای دئدیم اوجادان             چئخسین سسیم باجادان

آلله سـنی ساخلاسـین                بوغـمادان، قیزیلجادان

بیر قارانلیق گئجه نین یورغون كوچه سینده

گؤزلردن آسیلی سویوق

یاغیشلاری اوشودور

من گئدیرم

بیر قارا آرابادا

دوداقلاریمدان گولوش دوندوماسی

هله ده آخیر

گؤزلریمدن آیریلیق سالخیم ــ سالخیم تؤكولور

آرابا كوچه یه یاییلیر

كوچه لر ، من سیزلیگی بیر ــ بیریلن پیچیلداشیرلار

پیچیلتیلارسنین قولاغیندا جینگیلده ییر

سن یوبانمادان كوچه یه قاچیرسان

آرابا گؤزلرینین اؤنوندن سوروشور

گئدیرم آمما

آنی لار ، بیر آن بئینینده تولانیر

تله سیك آددیم لاریم ، سنی آردیمجا چكیر

گؤزلرینده كی حسرت یاغیشلا ، آخیر

سن هونكور،هونكورایتگین نیسگیللریمی آغلاییرسان

دورمادان

قارا آرابا یولونو گئدیر

سن خییاوانلارا یاخیلمیش سئوگینی

ایزله یه ــ ایزله یه گلیرسن

بیردن اوره یین بورخولوب دایانیرسان

قارا آرابا دایانیر

بورا . . . !

بیر سوْروشون بو قارقینمیش فلكدن
نه ایستیوْر بو قوردوغى كلكدن ؟
دینه گئچیرت اولدوزلارى الكدن
قوْى تؤكوْلسوْن ، بو یئر اوْزى داغیلسین
بو شیطانلیق قورقوسى بیر ییغیلسین

سو گزدیرن بیر آرخام
جشقون آراز دیر آرخام
یئرلی كوك لو بندیم وار
باغ باغچالی كندیم وار
زمی - زمی گزه رم
دوزو یاشیل بزرم
اولگج بیلن اوشاقلار
شیفكه دن یوموشاقلار
چایدا چیمیب اوزرلر
یان قییقاجی سوزر لر
گوزلرینی یومارلار
بوی بوی دئیپ جومارلار

گئجه لر فیكریندن یاتا بیلمیرم
بو فیكری باشیمدان آتا بیلمیرم

نئیله ییم كه سنه چاتا بیلمیرم
آیریلیق، آیریلیق، آمان آیریلیق
هر بیر دردن اولار یامان آیریلیق

اوزوندور هیجرینده قارا گئجه لر
بیلمیرم من گئدیم هارا گئجه لر
ووروبدور قلبیمه یارا گئجه لر
آیریلیق، آیریلیق، آمان آیریلیق
هر بیر دردن اولار یامان آیریلیق

یادیما دوشنده آلا گوزلرین
گویده اولدوزلاردان آلام خبرین
نئیله ییم كسیبدیر مندن نظرین
آیریلیق، آیریلیق، آمان آیریلیق
هر بیر دردن اولار یامان آیریلیق

آیریلیق دردینی چكمه ین بیلمز
یاردان آیری دوشن گوز یاشین سیلمز
دئییرلر اینتظار خسته سی اؤلمز
آیریلیق، آیریلیق، آمان آیریلیق
هر بیر دردن اولار یامان آیریلیق

نئجه كی ائلیمدن آیری دوشندن
سورار بیربیرینی گوروب بیلندن
حسرتله سیزلار یار داییم بو غمدن
آیریلیق، آیریلیق، آمان آیریلیق
هر بیر دردن اولار یامان آیریلیق

ایل لردی اوزاقام آرخام ائلیم دن
بلبلم دوشموشم آیری گولوم دن
جور ایله آییریب شیرین دیلیم دن
آیریلیق، آیریلیق، آمان آیریلیق
هر بیر دردن اولار یامان آیریلیق

اولوبدور بیگانه یاریم_ یولداشیم
غریبه ساییلیر سئوگیم – سیرداشیم
بوجاوان چاقیمدا آغاردیب باشیم
آیریلیق، آیریلیق، آمان آیریلیق
هر بیر دردن اولار یامان آیریلیق

منی آغلاداندان گولوش ایسته رم
آیری دوشنیمله گوروش ایسته رم
حصاری ییخماقا یوروش ایسته رم
آیریلیق، آیریلیق، آمان آیریلیق
هر بیر دردن اولار یامان آیریلیق

سونمز بیر آلووام سو قارشی سیندا***ئوز حرارتیمله آلیشیرام من***تونقال قالامیشام باغریم باشیندا***یاندیریب  اودوملا دانیشیرام من***یازدیغیم شعرلر یالنیز سؤز دئیل***كدرلی باغریمین سیزیلتی سیدی*** بو كاغاذ اوستونه تؤكولن سسلر ***یانان ئورییمین چیرپینتی سیدی***ائله یانیرام كی اینانمایین سیز***نه تورپاخ نده سو سؤندوره منی***وولكانلار پاتلاییر قلبیمده تز تز***كیمدی كی یاخیننان دیندیره منی***سینه مین توستوسی چوخالماخدادی***بیر یانار سال داغام داشیمدا یانیر***الووم یوكسه لیر ئوزومنن اوجا***ایاغیمدا یانیر باشیمدا یانیر***دامارلاریم یولدی قاینار قانیما***قانیم دورولمادان بولانیر هله*** من ئوزوم ائولسمده قانیم دورماییب*** آزربایجان عشقیله دؤلانیر هله

♥♥♥♥♥♥♥♥♥♥♥♥♥♥
♥♥♥خوش گلمیسن عمروم گونوم♥♥♥
♥♥♥گلیشینــله موتلـولویوم♥♥♥
♥♥♥بیر نفسده باشینا دونوم♥♥♥
♥♥♥بو گلیـشین هُنر اولــدو♥♥♥

♥♥♥♥♥♥♥♥♥♥♥♥♥♥

سن منی گر داغلارا قد ایستدون
من سنی داغدان داهاچوخ ایسترم
اما نچاره بله یازمیش فلك
عشق اودنا عاشقی یانماق كرك