وطنیم! بیر قاداغان دیلده سنه آند ایچیرم

آنامین سؤیله دییی لایلایا من آند ایچیرم

آرازین باغلادیغی یوللارا من آند ایچیرم

سنه من آند ایچیرم...

سنی مندن آلانی تورپاغینا قایتارارام

اونودولموش نیشانی بایراغینا قایتارارام

«سو» یو «آب» اولمادا من بارداغینا قایتارارام

یئنه بیر خیردا بالیق ماوی دنیزدن سؤز آچیر

اونو بوغماز قره سو سولدوغو گولدن گول آچیر

دنیزه بیر یول آچیر

وطنیم! تك دئییلم سانما سسیم تئز بوغولا!

گون او گوندور كی گرك گؤنده مین آصلان دوغولا!

ائوی ظولمون داغیلا!...

وطنیم! گون اولار! دونیا گؤره ر! توپراغینا گول بیته جك!

خالقیمین قوردوغو بایراق دا یئره یئنمه یه جك...

...

 وطنیم! اؤلسه م اگر، منده وطن قوربانییام

سنی بیر گؤرمك اوچون قورخو نه دیر، آتمالییام

یازاسان باش داشیما، بوردا وطن قوربانی وار

یاتیب هردن اویانیر، گؤزلرینین آل قانی وار

وطنین سئومه یه نین كیم دی دئیه ن ووجدانی وار

بو نه یاتماقدی، دورور گؤز تیكیر هردن اوتایا

دئییر آخر یانیرام، هم اوتایا، هم بو تایا!

═══════ ♥AZƏRBAY☪ANIM♥ ═══════
ایل لر بویو سیخدین آذربایجانی
نه تك آذربایجان هامی ایرانی
بلوچی، عربی، كوردو، توركمانی
آی انصافسیز ظالیم، آ، فارس قارداشیم!

كیم دئمیش تورك آجی، فارسی شیرین دی
منی خوار ائیلیه ن سنین دیلین دی
گه لین قارداشلیغا سؤز وئره ك ایندی
آزاد یاشیالیم آ، فارس قارداشیم!

اوشاق اگر آنا دیلده دانیشا
تئز تاپار معرفت، تئز یئته ر باشا
سؤز یوخ فارسی، توركو گئتسه لر قوشا
بودور استقبالیم آ، فارس قارداشیم!

═══════ ♥AZƏRBAY☪ANIM♥ ═══════

☪☪☪☪☪☪☪☪☪☪☪☪☪☪☪☪☪☪☪☪☪☪☪

ساواش گونو سـاوار اولــسا آتا تورك

آلقیش دییه ر تورك اوغلونا آتا تورك

داغ دره ده یئل تـوزونا چـاتانمــاز

ایر آتین بـئلی اؤستـــه یـاتا تورك

توتار بوغــار جایناغیـندا قوش كیمی

قاری دوشمن گیرمیش اولسا چاتار تورك

 بیر قانینا دوخسان دوققوز قان ائلر

بیر كادینا قویماز قانی باتا تــورك

باشدان آیاق شرف ، غیـرت كانی دیــر

كیم گؤروبدور اؤز ائلینی آتا تــورك

☪☪☪☪☪☪☪☪☪☪☪☪☪☪☪☪☪☪☪☪☪☪☪

آنا یوردوم آذربایجان


اسیر آذربایجنیم

هانی منی گول قوینوندا دوغوران،
خمیرمی گوز یاشییلا یوغوران،
بئشیگیمده، «لایلا، بالام» چاغیران...
آذربایجان، منیم باختسیز آنام اوی...
نئچه ایلدیر حسرتینله یانام اوی...

كونلومه تك كعبه ائتدیم سنی من،
سنسیز نئیلیم قوربت ائلده گونو من؟
سنسیز نئیلیم آللاهی من، دینی من...
آذربایجان، منیم تاجیم، تاخیم اوی!..
اویانمازمی كور اولاسی باختیم اوی!..
★.

آغلاییر وطنیم هؤنكؤرؤر یـامان

قلبینده یارا وار باشـیندا دومان

توتِیدیم گؤلله نی دیییدیم دایان

بات سینه مه، آذربایجانــا دیــمه

Havanı sıx, Azərbaycan qanı var

Bir canında mərdin neçə canı var!

Döyüşdə bir əbədiyyət anı var,

O anları seçən seçir, Elçibəy,

Vətəndən yox, candan keçir, Elçibəy!