قارقیش زمانه نین قانونلارینا، قارقیش
قارقیش اوره ك لری آییرانارا
قارقیش اینساناری قفسه سالیب ،بشر حوقوندان دم وورانلارا
كیمه دئملی ییك دردیمیز بیز
درد بیلن كیمدیر، سوز آنلایان كیمدیر
اسیر بیر میللته، محكوم بیر اله
قایغی چكن كیمدیر، آغلایان كیمدیر
میللی آزادلیكلار اسری اولسادا
هر یئرده هر یاندا آدی بو اسرین نه ائتمك
دونیانی بوغدا توتسادا
ككلیكین روزوسو چینگیل دیر همین
كوره ،ویتنام،آلمان بولوندو
آنجاك دونیا بولدو بئله بولونمه لر وار
سؤز گلیب چاتاندا آذربایجانا
بیر مثل وار فارسدا:«اینگار نه اینگار»
بو شرف،بو شوكت ،بو شوهرت بو شان هورا
دوغورداندا بیزه عار اولسون
حایاتین بیر آمانسیز قانونو وار
تعصوب سوز میللت گله ك خار اولسون
میللی تعصوبدان سؤز سالدیم اولسون
اصلینی ایتیرن حارامزادا دیر
مرد اوغول وطنین حاققینی ایتیرمز
وطن اینسانا اَن بویوك آنادیر
دیلیمی دالیمدان چیغارسالاردا
گوی قارداش دردیمی دئییم باری بیل
گؤنئی دن گؤئزیه ،شرقیدن غربه
هانسی خالقی گوردون بیزیم تك ذلیل
ای دوغما یوردومون ناموسلو اوغلو
آغلاما گؤزونون یاشینا قوربان
گلدیین او دوغما عزیز دییارین
اولوم، توپراغینا داشینا قوربان
گره ك گوزلریندن گوز اورته بیر كس
قارقا یوواسینا یاناشا اگر
نیه وطنیمی سئومییم نیه؟
قویون محكوم اولوم میللت چیلیگه
دونیادا میللتین سئومه ین كیمدیر؟
دیلین،ائلین،یوردون تالان ائتسه لر
آجیغیب باشینا دویمه ین كیمدیر
من دئمیرم اوستون نیژاد دانام من
من دئمیرم ائللیم ائللردن باشدیر
منیم مسلكیمده منیم یولومدا
میللت لر هاممیسی دوستو قارداشدی
آنجاك بیر سؤزوم وار
منده اینسانام،دیلیم وار،خالقیم وار ،یوردوم یووام وار
یئرده ن چیكمامیشام گوبه لك كیمین
:::::::::::::::::::::::::::::::::::::::::::::::::::::::::::::::::
بیوك شاعیریمیز بولوت قره چولو (سهند)
اوخویور: آراز ائـل ســـس
