قورشون كیمی قوربتده وطنسیزلیك آغیردیر
واردیرمی وطن آیریلیغیندان دا بؤیوك غم ؟
قوربتده ایر گولسه دوداقلار، كؤنول آغلار
سیما دا گولوش حوكم سورر، قلبده ماتم
جنت كیمی ائولر تیكه قوربتده گر اینسان
توی شنلییی تك كئچسه اونون دملری داییم
گر اولسا دا سولطان
باش ایسه ده هر امرینه عالم
هر بیر طرفی اولسادا گولشن
یوخ چاره، وطن دردی اونون قلبینی داغلار
آیریلماز اونون كؤنلو عؤمورلوك وطنیندن
آیریلسا، آدام آد وئرر بیلمز اونا ویجدان !!
پرفسور-دكتر محمد تقی زهتابی