عشق "یاخشی گئجه‌لر اؤپوشو"نو اوزون توتماقدیر.
Eşq "Yaxşı gecələr öpüşü"nü uzun tutmaqdır.
گؤزله‌مه‌دیر.
Gözləmədir.


عشق دلیجه‌سینه عشق‌بازلیق ائدركن یانینداكی‌نین هئچ بیر شئی ائتمه‌مه حاقینی تسلیم ائتمكدیر.
Eşq dəlicəsinə eşqbazlıq edərkən yanındakının heç bir şey etməmə haqqını təslim etməkdir.
حؤرمتدیر.
Hörmətdir.


عشق ضعیفلیكلرینیز اولدوغونو اورتایا چیخارار.
Eşq zəiflikləriniz olduğunu ortaya çıxarar.
قبول ائتمكدیر.
Qəbul etməkdir.


عشق ایندی زامانی دئییل دئیه گؤزله‌میی بیلمكدیر.
Eşq indi zamanı deyil deyə gözləməyi bilməkdir.
صبیردیر.
Səbirdir.


عشق ساچلاردا باشلاییب توپوقلاردا بیتن بیر گزینتیدیر.
Eşq saçlarda başlayıb topuqlarda bitən bir gəzintidir.
كشفدیر.
Kəşfdir.


عشق "سئویشك" دئمه‌دن سئویشمك، یانینداكی‌نین نه ایسته‌دیگینی بیلمكدیر.
Eşq "Sevişək" demədən sevişmək, yanındakının nə istədiyini bilməkdir.
راضیلاشماقدیر.
Razılaşmaqdır.


عشق باغلاندیغینی ساندیغیندا، قارسینداكینا "خئیر" دمه شانسینی تانیماقدیر.
Eşq bağlandığını sandığında, qarsındakına "xeyr" dəmə şansını tanımaqdır.
اینجه‌لیكدیر.
İncəlikdir.


عشق قوروماقدیر.
Eşq qorumaqdır.
مسئولیتدیر.
Məsuliyyətdir.


عشق "دایانما یوخسا سنی اؤلدوره‌رم" سؤزونو ائشیتمكدیر.
Eşq "Dayanma yoxsa səni öldürərəm" sözünü eşitməkdir.
شهوتدیر.
Şəhvətdir.


عشق ائوینیزده‌كی هر شئیین یئری‌نین دیَیشدیریلمه‌سینی قبول ائتمكدیر.
Eşq evinizdəki hər şeyin yerinin dəyişdirilməsini qəbul etməkdir.
تسلیمیتدیر.
Təslimiyyətdir.

عشقدن جانیمدا بیر پنهان مرض وار، ای حكیم

خلقه پنهان دردیم اظهار ائتمه، زنهار، ای حكیم!

وار بیر دردیم كی چوخ درماندان آرتیقدیر منه

قوی منی دردیم‌له درمان ائیله‌مه، وار، ای حكیم!

گر باسیب ال نبضیمه، تشخیص قیلسان دردیمی

آل امانت، قیلما هر بی‌درده اظهار، ای حكیم!

گل منیم تدبیر بیهوده‌مده سن بیر سعی قیل

كیم اولام بو درده آرتیقراق گرفتار، ای حكیم!

گؤر تنِ عریان ایله احوالیمی هیجران گؤنو،

وار ایمیش روزِ قیامت، قیلما انكار، ای حكیم!

چكمه‌یینجه چاره‌ی دردیمده زحمت بیلمه‌دین

كیم اولور درمانِ درد عشق دشوار، ای حكیم!

رنج چكمه صحّت اوچون، ال فضولی‌دن گؤتور

كیم قبول صحّت ائتمز بؤیله بیمار ای حكیم!

شاعر: ملامحمد فضولی

قد انار العشق للعشاق منهاج الهدا

كیم مشخص اولماز اول وادیده سلطاندان گدا!

دئدیلر سئوگی یالاندی اورگیم اینانمادی

سینه ده آلشدی یاندی بو غمی قانمادی

دئدیلر چتین اولوب عشق آداما وفا ائده

اورگیم سیخیلدی آما سنسیزده قالانمادی

سن منی گر داغلارا قد ایستدون
من سنی داغدان داهاچوخ ایسترم
اما نچاره بله یازمیش فلك
عشق اودنا عاشقی یانماق كرك

داغ باشینی قار آلیپ

باغچالاری بار آلیپ

هر یئتنه جان وئرمم

بیر جانیم وار یار آلیپ

سنده آخیر عشق بازاریندا اویناتدین منی

بی وفالار مكتبیندن درس آلیب آتدین منی

 سنده آخیر وئرمه دین عشقه بها ای بی وفا

سنده آخیر چوخ اوجوز بیر قییمته ساتدین منی

 سن كی عشقیلن محبتدن دییه‌ردین هر زمان

پس نئجه اینصاف ائدیب بیر بئیله آغلاتدین منی 

سن دئمیشدین ائیله‌رم اثبات من عشقین گوجون

اما آخیر بیر سحر یالقوزلارا قاتدین منی 

سن كناریمدا اولاركن سانكی بیر دریا ایدیم

سن گئدیب بیر لحظه ده صحرایا اوخشاتدین منی

 سن گئده ندن بیلمیرم صوبحیله شامین فرقینی

تار ائدیب صوبحو گوزومده شامه آلّاتدین منی

 سن دییه‌ردین تا نفس وار پوزمارام پیمانیمی

سیندیریپ پیمانیوی بیر عؤمر آغلاتدین منی

 سن گئده‌ركن یازدی بیر شعریله اؤز دردین شفیق

گئتدین اما داغ هجرانیندا قایناتدین منی

بتول مطیع نوع پرور (شفیق) – بیر آددیم گل یئتیشك

•••••••••••••••••••••••••••••••••••••••••

دوشموشم عشق اودنا رحم ائله اینسان سان اگر

بـوقدر نـاز ائیله مه سوملی جیـران سان اگر

ره عشــقونده سنـــون خیـلی زمانـدیر گزیرم

منی اولــدور قوتاریم حاكم زینــدانسان اگر

•••••••••••••••••••••••••••••••••••••••••