تقدیم اولسون سئویب یتیشمین لره
یول ایتیرمیش درنالارتك هاردا قالدین گلمدین
گؤزلریم یول چكدی سن یوللاردا قالدین گلمدین
آی پریشان قانلی كونلوم، سنده تك قویدون منی
یا ایلیشدون ساچلاروندان داردا قالدین گلمدین
طابوتوم چیئنونده گتسین ،سنكی رازیدین بنا
ایندی كی چاتدین مراده هاردا قالدین گلمدین
سن هماتك یاد قوش اولدون، قونمادین ویرانمه
سفرامی دنسیز گوروب،دیواردا قالدین گلمدین
زخم ور كی دیللنیم منده سنخ سازلار كیمین
اوزگه اللرده تل اولدون هاردا قالدون گلمدین
سون نفسده گل عزیزیم ، گلمسون جان ورمرم
قویدون عزرائیلی معطل هاردا قالدین گلمدین
