آرزیم بودور اییلن‌لر باش اولماسین
یئرده گئدن قاباغ اولسون قاش اولماسین
پولسوز بیزیم یاریمیز بوشدو قارداشیم
انسان بیزه‌كجه كیمین‌دیر بوش اولماسین
یازمیش آلین‌لارینین هانسی سطرینه؟
یوخسول‌لارین كاساسیندا آش اولماسین
كاش آرخایین سو ایچنده بو سئرچه‌لر
شیلتاق اوشاقلار الینده داش اولماسین
قوشلار قفسده عؤمورگون گئچیرسه‌لر
وای- وای یازیق‌دیلار عادت كاش اولماسین
آددیم باشی باشیمیزدا مین آرزی وار
آرزیم بودور گؤزوموزده یاش اولماسین
" آیدین باخیش"