başı kəsik gözəl kötük
budağı sənə kim çəkdi?
baltanı sənə kim vurdu
pıçağı sənə kim çəkdi?
ipək-ipək yarpaqların
küləklərlə talandımı?
bilək-bilək budaqların
ocaqlara qalandımı?
küsdünmü talein acılığından?
zalimlər keçmədi qocalığından
yıxıldın ucalığından
başı kəsik gözəl kötük...
gözəl kötük, sızıldama göynəmə
nə baltalar nə pıçaqlar qalacaq
ucalıqdan yıxılsanda ğəm yemə
sən yıxılan ucalıqlar qalacaq.
dünyanın küləyi keçər
qarı-yağışı keçər
qatar-qatar quşu keçər
daş atarlar, daşı keçər
sən yıxılan ucalıqdan.
umidlər gözlər dikilər
körpə ağaclar yekələr
yekələr, qalxar, dikələr
sən yıxılan ucalığa...
məndən sənə salam olsun
başı kəsik gözəl kötük
əyilim köksünə başımı qoyum
gecələr laylamı çalasan mənim
böyründə bir evin daşını qoyum
evimin dirəyi olasan mənim.
gözəl kötük
yaraların köz bağlasın sağalsın
bu dünyada
nə baltalar nə pıçaqlar qalacaq
ucalıqdan yıxılsanda
yenə canın sağ olsun
bu dünyada
sən yıxılan ucalıqlar qalacaq...
♦Ramiz Rövşən♦
