گئتمـــه منیـــم گــؤزل آییم *
بلـكــه سنــیلـــن یاشـاییم
ایندی كی تئزدیر گئدیشون
گــونلریــوی دایــان ســاییم
دالــونجا چــوخ آغلامیشـام
دولــوبـدی عـــالمه هــاییم
آرزلــاریــمــــدان بــیــلیــرم
آزدی منـــه قـــالان پـــاییم
خـــاطیـــره ده منــه فقــط
قــالیبدی قنــدیلــن چاییم **
اودور فــوناقلیق آخشـامی
شیرین لشیب منیـم زاییم
دئــدیم اتــك دوشســه اله ***
ال یـــوزومــی اونـــا یــاییم
فیسمتیــم اولسا یاریمین
بــال دوداغــیـنـی یــالاییم
تــاپــانمـــادیـم اتــك اودور
كــی قــؤزانیبـدور هاراییم
پــؤزولمــادی گــوناهلاریم
منیــم واییـم منیــم واییم ...
سئـودالی لار ایچـره فلك
آز تاپــاجاق منیــم تــاییم
حبیــب سـاییر گونی آیی
هــاچان گلــر گئـدن آییم ؟!!!
