سنسیز
اینانما گوزوندن دویاجاق گئوزوم
ائولونچه سن دندی سن دندی سئوزوم
سن اوچون شعر غزل یازارام ائوزوم
كونلومون خلعتین بیچه رم سنسیز
آجی آنلاریمین عمری اوزانیب
وارلیغیم كدرین اوتوندا یانیب
اورگیم قسمتین ائله بیل قانیب
آیریلیق زهرین ایچه رم سنسیز
گلیبدیر هجریندن نئلر باشیما
آغ ساچلار یاراشمیر بو آز یاشیما
آیریلیق قان قاتیر دای گوز یاشیما
كوسوب بوگئوللردن كوچه رم سنسیز
