گوزوندن توشدوم
بیر دامجی یاش كیمی گوزوندن توشدوم
قاتیب اوزگه لره اونوتدون منی
نئیله یم طالعیم بئله یازیلیب
حسرتلی سوزله ریم یوروبدور سنی؟
گونله ریم سووشور ظلمت ایچینده
حسرتیم اوستونه حسرت قالانیر
مقصده چاتماغا یوخدور نفسیم
گون به گون گونلریم غمه تالانیر
اوندا كی اللرین تودو الیمی
سویله دین منیله خوش اولاجاق سان
وئردین وعده لر پس نئجه اولدی؟
دئمه دین آغلایب تك قالاجاقسان.
گیله ییم وار كیمه دئیم آی فلك
آنلیمین یازیسین یازان یازیب دیر
آغلایام سیزلایام چاره سی یوخدور
قلبیمده غم آدین درین قازیب دیر
"صونایام"اوخشامام گوز یاشیم سن سن
اولونجه كونلومدن آتمارام سنی
سن منی وفاسیز گوزوندن سالدین
قاتیب اوزگه لره اونوتدون منی.
