ایستی‌لرده
بو ایستی‌لرده سنی دوشونورم
چیلپاقلیغینی
بویونونو بیلك‌لرینی
دؤشكده آغ بیر قوش كیمی یاتان آیاغینی
سنین سؤیله‌دیك‌لرینی.
بو ایستی‌لرده سنی دوشونورم
بیلمیرم عاغلیمدا ان چوخ قالان نه
گؤزومون اؤنونه گلن
بویونونمو بیلكلرینمی
چیلپاق آیاغینمی
منه منیم اولاركن سؤیله‌دیكلرینمی؟
بو ساری ایستی‌لرده سنی دوشونورم
بو ساری ایستی‌لرده بیر اوتئل اوتاغیندا سنی دوشونوب
تكلیییمی سویونورام
بیر آز دا اؤلومه بنزه‌ین تكلیییمی