«عؤمور كاروانی»
قادیر آللاه كؤچور عؤمرون كاروانی
منه گئدر-گلمز یوللار آغلاسین
بولبول اوچور ویران قالیر گولشنی
سوناسیز بوش قالان گؤللر آغلاسین
قلم غریب لیگی یازیب خاص منه
اؤرك دولو بوللو كدر پاس منه
گؤیده كی بولودلار توتسون یاس منه
شاققیلداییب آخان سئللر آغلاسین
اجل بوغازیمدا كسیر سسیمی
سؤزلریم دیللرده ائدیر بحثیمی
دوست كویوندان گلن صاباح نسیمی
قبریم اوسته اسن یئللر آغلاسین
دده كاتیب گیلئی لییم ائلیمدن
حق دئمیشم اینجی ییللر دیلیمدن
انتظاریم یوخدور اؤز فامیلیمدن
قوی منه بیگانه ائللر آغلاسین
قادیر آللاه كؤچور عؤمرون كاروانی
منه گئدر-گلمز یوللار آغلاسین
بولبول اوچور ویران قالیر گولشنی
سوناسیز بوش قالان گؤللر آغلاسین
قلم غریب لیگی یازیب خاص منه
اؤرك دولو بوللو كدر پاس منه
گؤیده كی بولودلار توتسون یاس منه
شاققیلداییب آخان سئللر آغلاسین
اجل بوغازیمدا كسیر سسیمی
سؤزلریم دیللرده ائدیر بحثیمی
دوست كویوندان گلن صاباح نسیمی
قبریم اوسته اسن یئللر آغلاسین
دده كاتیب گیلئی لییم ائلیمدن
حق دئمیشم اینجی ییللر دیلیمدن
انتظاریم یوخدور اؤز فامیلیمدن
قوی منه بیگانه ائللر آغلاسین