به! به! به!
سن هاواسان هاوا
سنی سئویب
سنده نفس چكیرم
قاداسی
به! به! به!
عجب آش بیشیرمیشدی
آنالیغیمیز
بئینیم تامارزی قالمیشدی
چیمدیك چیمدیك
دوز آتماسینا
هردن
منده اؤزومه اورك وئریب
یامسیلاییردیم ایشینی
توپوروم گؤزونه
قولاقلاری‌نین قیزارماسی گؤرر
هئچ اولماسا ماندلانین شكیلین
دوواریندان قوپار
آپارتاید ساغیری
سن هارا
من هاراسیدا یوخدور
سن اریینده
منیم اوره‌ییم گؤینه‌ییردی
میندار اتی كسیب آتماق اولارمی؟
سیل بئینی‌نی
یو دامارلارینی
باستیل چوخداندی ییخیلیب
قارا باسماسین سنی
قو وورورسان قولاق توتولور
ائله دوز دئییردیلر
زیره‌سن زیره
آنجاق
زیره قوش دیمدیییندن ایلیشر
سن قازدیغین یئرلری
من آختاردیم، هنده‌وری ایله
سن نشانلادیغین یئری
من ووردوم
دای آیاق باساندا
گؤزلرینی یوم
شاید...