اولومه نه واركی ، بیر دفعه لیك دی،
سئویب آیری دوشمك كاش اولما یا یدی
نغمه لر قوش كیمی قانادلا نا ندا
گؤزلردن سوزولن یاش اولمایایدی.

منیم قلبیم كیمی اینله مز كامان،
ایلك عشقی ایتیرمك یاماندی ، یامان!...
كؤنوللر اودلارا قالا نان زامان،
اوره كلر بركییب داش اولمایایدی.

من سنی سئویرم ، سن واری، پولو،
گور هاردان دوشوبدو عشقیمین یولو...
نه منیم اوره ییم بیر بئله دولو،
نه سنین اوره یین بوش اولمایایدی.

یار دئییب آغلاییر كؤنلومون سازی،
بیر گونده یوز دفعه یانیرام آزی!
شجاعت ، هئچ كسین باهاری ، یازی،
دؤنوب بیردن بیره قیش اولمایایدی.

چهارشنبه 9 مرداد 1392
بؤلوملر : سئوگی,