آرادان نه قدر ایل كئچیب گؤرن
تانییا بیلمه‌دیم، منی باغیشلا
من ائله بیلیردیم، سنسیز اؤله‌رم
قبیرسیز- كفن‌سیز اؤلموشم ائله
ساغیمیز–سولوموز آداملا دولو
هامی گوناهكاردی دونیادا، آمما
دونیادا هئچ كسین گوناهی یوخدو
بیزسیز یازیلمیشدی بو طالع، بو باخت
ساپانددان آتیلان بیر جوت داشیق بیز
بلكه مین ایل قاباق سهو دوشوب نه‌سه
مین ایللیك بیر سهوه قوربان گئتمیشیك
او یولدان اؤته‌ن قیز آنامدی بلكه
بلكه ده، اوغلومدو بو اوغلان ائله
بو یالان عؤمرومده گؤرن سن نه‌سن
بلكه هئچ سئوگیلیم دئییلسن منیم

یکشنبه 23 تیر 1392
آچار سؤزلر : سنسیز
بؤلوملر : سئوگی,