ائلــه بیــلدین اؤتَـــری بیر هـــوس دی

سَن بیلمه دین بو سِئوگینین قـدرینی

نــه بیلَیدیم چَه كدیكلَریــــم عـبث دی

سَـن بیلمَدین بو سِئوگینین قدرینی

اوره َگیمده نِـــئچه كَـــــــدَر ســــیزلادی

باخیشلاریم داییم سَـــنی ایـــزلَدی

حَســـرَتیله یوللارینــی گــــؤزلَدیــــم

سَـن بیلمَدین بو سِئوگینین قدرینی

یوخی ایدی بلكه سـنه بو ســئوگی

سـاچلاریمدا دؤنـدی دَنه بو سِئوگی

حئییف بیرده هاچان دؤنه بو سِئوگی

سَن بیلمَدین بـو سِئوگینین قـدرینی

ایندی كی گئدیرسن سون باهار كیمی

قاییتما گئرییه دورنالار كیمی

یاشا زیروه لرده یاشا قاركیمی

چئوریلیب یاغیشا سئله قاییتما

ایللریم ناحاقدان اوتدو سنینله

دئمیرم عومور گون بیتدی سنینله

گئتدین نغمه لریم گئتدی سنینله

ایندی غملی اوتن تئله قاییتما

سن گلدین عومرومه دومان چن كیمی

یاشارسان ساچیما دوشن دن كیمی

باری بوندان بئله یاشا من كیمی

قوخلاییب آتدیغین گوله قاییتما

آییغام خاطره لر خاطرینه

یوخو بیگانه دی مندن بوگئجه

گؤزلورم بلكه بوگون آی گؤرونه

آی كوسوبدور نه دی مندن بوگئجه

بونه افسانه دی مندن بوگئجه


نه سكوت ایچره یاتیپ دیر دره لر

نه قارانلیق دی بوگون پنجره لر

بو پریشانلیغا شن خاطیره لر

غملی بیر شانه دی مندن بوگئجه

بونه افسانه دی مندن بوگئجه


گؤرن افسون ائله ین كیمدی بیزی

پوزدو كئچمیشده قالان هربیر ایزی

گئجه نین ذكری ، خیالین دنیزی

دلی دیوانه دی مندن بوگئجه

بونه افسانه دی مندن بوگئجه

بولودلار دؤلارسا یاقیشدا یاقاجاخ


گؤزومون یاشیلا تؤرپاقدا دؤیاجاخ


كؤووشماساق سنینله بیربیریمیزه


من سنی ایستییرم هرزامان گؤزلییرم


حسرته دؤزمییرم ، سئوگیلیم گل

بیر آه چكیپ اورگیمدن آلیشسام

آلولانیپ آلولارا قاریش سام

كپنك تك اود ایچینده چالیشسام

یانیپ سونوپ كوله دونسم گلرسن؟


اوره گیمی اللریمده ساخلاسام

دوره سینه دسته گوللرباغلاسام

سن گلین جك هاوارچكیپ آغلاسام

آخیپ سوزوپ سئله دونسم گلرسن؟


تیكسم یولا گوزلریمین قاراسین

یئرساخلاسام اوره گیمین آراسین

سرسم یولا داغین داشین لالاسین

یانیپ سونوپ كوله دونسم گلرسن؟

چیچك چیچك گوله دونسم گلرسن؟



اوره گیمین قانی آخسا گوزومدن

جان قوتارسام بوجان آلان دوزومدن

غزل غزل بال سوزول سه سوزومدن

بولبول اولوپ دیله دونسم گلرسن؟

ایله یارســـیزلامیشام آختـــــــــــاریــــرام نازلی نیگاری

گوزلورم نازلی نیگاریم گـــله بیـــــر بیــــــزلــــره ساری

هرگون هجرینده توتوب اود یانیرام منــــــده ناچاردان

داها گلمیرســـسی گـــــــوزلر آختــاریر هر گئجه یاری

نئجه هفته نئـــچه آیدی دوشموشم آیری اوو یاردان

بو نه احـــــــوالی دی گلمیش باشیـــــما آی اولو تاری

دوشور هردن یادیما دردی دل ائــــــدمیش گچن حالار

گوزلمك دن انتــــــــــــــــظار آلدی الیمـــــــدن اختـــیاری

بیر گون یالوارسان دا دؤنن دئییلم،

بیز كی اونوتموشوق ایلك محبتی.

آخ بو قفیل گؤروش كاش اولمایایدی.

سنین گؤزلرینده عشقین حسرتی.

منیم گؤزلریمده یاش اولمایایدی…