سن گئدنده گوزلریمدن یاش آخدی
گویلوم دالینجا قالخیب قاناد آشدی
بیرآن گوردوم بیر اولدوغوموزلاری
اُو سئویب سئویشدیغیمیز گونلری
بیر بیریمیزدن اوزاخ، آخان یاشلاری
نازلی باخیش ، شیرین گولوشلری
بیر آن دا داغیددین باشیما دونیانی
اینانمادین گوزومدن آخان یاشلاری
یادیندا ؟ دئدین اونودمارام عشقینی
یادیندا قاللام، همیشه سئویرم سنی
آمما دالینا باخمادان یولونا گئتدین
هئچ اینانمادین دئدیغین سوزلری
( علی سلیمی)
گوزل دولان،گوزل اوتور،گوزل دور گوزل دانیش،گوزل یئرده،گوزل سن گوزل اینان،گوزل دیشین،گوزل دور گوزل ایچره،گوزل بیرده،گوزل سن گوزل شانه،گوزل گیسو،گوزل تئل گوزل قامت،گوزل اینجه،گوزل بئل گوزل جلاد،گوزل سالدین،گوزل بیل گوزل منی، گوزل درده، گوزل سن گوزل ناموس،گوزل غیرت،گوزل عار گوزل ایلقار، گوزل وفا، گوزل یار گوزل "قاسیم"،گوزل عجب،گوزل وار گوزل وورول،گوزل مرده،گوزل سن (خسته قاسیم)
دونن گؤزلریمده سولان او چیچك بلكه هئچ یوخ ایدی بیر خیال كیمی بلكه یالان ایدی، یالان، او چیچك گئجه لر آغلادی قولاق لاریمدا بارماق لاری گزدی دوداقلاریمدا ساچ لاری اوخشادی بارماق لاریمدا یوخوسو گؤزومه دولان او چیچك بیر آندا بوی آتدی، دیندی، یئریدی بیر آندا بوز اولدو الده اریدی بیلمیرم بلكه ده هله دیری دی قوخوسو باخچادا قالان او چیچك هر نه یی بیراخدی، هر زادی آتدی او منیم ایچیمدن تانرییا چاتدی « داملا » دان قورتولوب، دنیزه باتدی بیر منی ، منیمدن آلان او چیچك
بو گون اللریمده دوغولاجاقدی
