سینه‌سی نیسگیللی،قلبی قۆبارلێ،
وئردیگی پئیمانا،عهده ایمانلێ.
باشێ كپز كیمی اۇجا وۆقارلێ
باخ،بئله بیر اینسان كؤچدۆ دۆنیادان.

هم خئیرین،هم شرعین یاراشێغێیدێ،
بیر ائلین،اوْبانێن گۇر ایشێغێیدێ.
دیلی بایاتێلێ ائل آشێغێیدێ،
باخ،بئله بیر اینسان كؤچدۆ دۆنیادان.

وۆقارلا لكه‌سیز بیر آد داشێدێ،
میننتسیز،تنه‌سیز عؤمۆر یاشادێ.
همیشه اۇجادا دایاندێ آدێ،
باخ بئله بیر اینسان كؤچدۆ دۆنیادان.

بضا اؤز دردینی اۇنۇتدۇ،داندێ،
ائلین دردلرینی اؤز دردی ساندێ.
ان آغێر آنلاردا متین دایاندێ،
باخ،بئله بیر اینسان كؤچدۆ دۆنیادان.

یۆكۆنۆ چوْخ چكدی آغێر ائللرین،
اۆچ اوْغۇل بؤیۆتدۆ زكاسێ درین.
چێخماز یادداشێندان بیزیم ائللرین
باخ،بئله بیر اینسان كؤچدۆ دۆنیادان.

آیبه‌نیز كۆركچالێ!

پنجشنبه 12 دی 1392
آچار سؤزلر : اینسان
بؤلوملر : سئوگی,